tumhaare husn ko dad-e-jamal di maine

tumhāre husn ko dād-e-jamāl dī maiñ ne

khilā jo phuul tumhārī misāl dī maiñ ne

kashāñ kashāñ mirī manzil pe aa rahā hai koī

kisī ke paañv meñ zanjīr Daal dī maiñ ne

na kajravī kī shikāyat na be-ruḳhī kā gila

jo dil meñ thī vo tavaqqo' nikāl dī maiñ ne

ajiib kashmakash-e-go-mago se guzrā huuñ

chhiḌā jo zikr tirā baat Taal dī maiñ ne

duā.eñ de mujhe sher-o-suḳhan ke sāñche meñ

kahāñ kahāñ tirī tasvīr Dhaal dī maiñ ne

maiñ 'bazm' soz-e-taġhāful se jal bujhā lekin

use na zahmat-e-fikr-o-ḳhayāl dī maiñ ne

tumhaare husn ko dad-e-jamal di main ne

khila jo phul tumhaari misal di main ne

kashan kashan meri manzil pe aa raha hai koi

kisi ke panw mein zanjir Dal di main ne

na kajrawi ki shikayat na be-ruKHi ka gila

jo dil mein thi wo tawaqqo' nikal di main ne

ajib kashmakash-e-go-mago se guzra hun

chhiDa jo zikr tera baat Tal di main ne

duaen de mujhe sher-o-suKHan ke sanche mein

kahan kahan teri taswir Dhaal di main ne

main 'bazm' soz-e-taghaful se jal bujha lekin

use na zahmat-e-fikr-o-KHayal di main ne