tumhaare husn mein ab chand si cham-cham nahin hoti

tumhāre husn meñ ab chāñd sī cham-cham nahīñ hotī

tumhārī pāyaloñ meñ pahle sī chham-chham nahīñ hotī

kabhī bhī dard ke sur meñ hasīñ sargam hai nā-mumkin

kabhī sho'loñ kī zad meñ maḳhmalī shabnam nahīñ hotī

na jaane kitne mujh ko zaḳhm ulfat meñ mile lekin

kisī bhī ranj-o-ġham se aañkh merī nam nahīñ hotī

siyāsī pech-o-ḳham toḌo banā lo desh ko jannat

vijay hāsil kabhī shamshīr se jānam nahīñ hotī

ham un kī yaad ke dīpak jalāte roz haiñ 'mīnā'

hamāre dil meñ un ke pyaar kī lau kam nahīñ hotī

tumhaare husn mein ab chand si cham-cham nahin hoti

tumhaari payalon mein pahle si chham-chham nahin hoti

kabhi bhi dard ke sur mein hasin sargam hai na-mumkin

kabhi sho'lon ki zad mein maKHmali shabnam nahin hoti

na jaane kitne mujh ko zaKHm ulfat mein mile lekin

kisi bhi ranj-o-gham se aankh meri nam nahin hoti

siyasi pech-o-KHam toDo bana lo desh ko jannat

wijay hasil kabhi shamshir se jaanam nahin hoti

hum un ki yaad ke dipak jalate roz hain 'mina'

hamare dil mein un ke pyar ki lau kam nahin hoti