tumhaare ishq ki sine mein chah hote hue

tumhāre ishq kī siine meñ chaah hote hue

maiñ ḳhud ko dekh rahā huuñ tabāh hote hue

tumhāre dil pe muravvat ke teshe rakh rakh kar

maiñ dekhtā huuñ chaTānoñ meñ raah hote hue

hasīn chīzoñ pe lāzim hai ehtiyāt bahut

gulāb dekhe haiñ ham ne siyāh hote hue

ajab hai shahr meñ insāf kī mire devī

gunāhgār hue be-gunāh hote hue

bulandiyoñ pe Thaharne kā fan nahīñ jin ko

faqīr ban ga.e vo log shaah hote hue

hasad ke rog kī zad meñ hai halqa-e-ahbāb

mire uruuj ke do chaar maah hote hue

samajh rahe ho bahut sahl 'dil' mohabbat ko

pasīne chhūT ga.e haiñ nibāh hote hue

tumhaare ishq ki sine mein chah hote hue

main KHud ko dekh raha hun tabah hote hue

tumhaare dil pe murawwat ke teshe rakh rakh kar

main dekhta hun chaTanon mein rah hote hue

hasin chizon pe lazim hai ehtiyat bahut

gulab dekhe hain hum ne siyah hote hue

ajab hai shahr mein insaf ki mere dewi

gunahgar hue be-gunah hote hue

bulandiyon pe Thaharne ka fan nahin jin ko

faqir ban gae wo log shah hote hue

hasad ke rog ki zad mein hai halqa-e-ahbab

mere uruj ke do chaar mah hote hue

samajh rahe ho bahut sahl 'dil' mohabbat ko

pasine chhuT gae hain nibah hote hue