tumhaare KHwab ki tabir ho jaun ijazat hai

tumhāre ḳhvāb kī ta.abīr ho jā.ūñ ijāzat hai

mohabbat kī maiñ ik tasvīr ho jā.ūñ ijāzat hai

kahīñ jaane na duuñ tum ko agar tum mere ho jaao

tumhāre paañv kī zanjīr ho jā.ūñ ijāzat hai

kisī ke ho ga.e ho tum mujhe shikva nahīñ koī

kisī kī maiñ bhī ab jāgīr ho jā.ūñ ijāzat hai

vo ik tāvīz jo tum ne gale meñ Daal rakkhā hai

maiñ is tāvīz kī tahrīr ho jā.ūñ ijāzat hai

zamāne ke maiñ har ik vaar se tujh ko bachā lūñgī

maiñ tere haath meñ shamshīr ho jā.ūñ ijāzat hai

tujhe ye mo.ajiza bhī maiñ dikhā saktī huuñ duniyā meñ

jo tū chāhe tirī taqdīr ho jā.ūñ ijāzat hai

ḳhudā ne ye karishma chāhatoñ ko sauñp rakkhā hai

maiñ ik pal meñ tirī tauqīr ho jā.ūñ ijāzat hai

tumhaare KHwab ki tabir ho jaun ijazat hai

mohabbat ki main ek taswir ho jaun ijazat hai

kahin jaane na dun tum ko agar tum mere ho jao

tumhaare panw ki zanjir ho jaun ijazat hai

kisi ke ho gae ho tum mujhe shikwa nahin koi

kisi ki main bhi ab jagir ho jaun ijazat hai

wo ek tawiz jo tum ne gale mein Dal rakkha hai

main is tawiz ki tahrir ho jaun ijazat hai

zamane ke main har ek war se tujh ko bacha lungi

main tere hath mein shamshir ho jaun ijazat hai

tujhe ye moajiza bhi main dikha sakti hun duniya mein

jo tu chahe teri taqdir ho jaun ijazat hai

KHuda ne ye karishma chahaton ko saunp rakkha hai

main ek pal mein teri tauqir ho jaun ijazat hai