tumhaare nam ka sikka uchhaal sakta hun

tumhāre naam kā sikka uchhāl saktā huuñ

tumheñ salīqe se maiñ dekh-bhāl saktā huuñ

abhī to sirf bigāḌā hai terī 'ādat ko

maiñ tujh ko ḳhud meñ abhī aur Dhaal saktā huuñ

jo terī zaat se mujh ko mile haiñ ai jānāñ

maiñ un ġhamoñ ko kaleje meñ paal saktā huuñ

mire ḳhudā kī ḳhudā.ī agar navāz de to

samundaroñ meñ bhī rastā nikāl saktā huuñ

maiñ apne 'ahd kā jugnū huuñ dekhnā ik din

baḌe baḌoñ ko maiñ hairat meñ Daal saktā huuñ

agar mile jo ġham-e-rozgār se fursat

to maiñ bhī zehn kā dariyā khañgāl saktā huuñ

paḌegī dhuup jo tum par to abr ban kar ke

tumhāre sar se maiñ sūraj ko Taal saktā huuñ

tumhaare nam ka sikka uchhaal sakta hun

tumhein saliqe se main dekh-bhaal sakta hun

abhi to sirf bigaDa hai teri 'adat ko

main tujh ko KHud mein abhi aur Dhaal sakta hun

jo teri zat se mujh ko mile hain ai jaanan

main un ghamon ko kaleje mein pal sakta hun

mere KHuda ki KHudai agar nawaz de to

samundaron mein bhi rasta nikal sakta hun

main apne 'ahd ka jugnu hun dekhna ek din

baDe baDon ko main hairat mein Dal sakta hun

agar mile jo gham-e-rozgar se fursat

to main bhi zehn ka dariya khangal sakta hun

paDegi dhup jo tum par to abr ban kar ke

tumhaare sar se main suraj ko Tal sakta hun