tumhaare raste se haT gae hain

tumhāre raste se haT ga.e haiñ

ham apnī jānib palaT ga.e haiñ

vo jin kī shāḳhoñ pe jhūlte the

shajar vo gaañv ke kaT ga.e haiñ

sabhī kā qibla to ek hai par

ye log firqoñ meñ baT ga.e haiñ

huā hai kis se gunāh bādal

baġhair barse hī chhaT ga.e haiñ

ye kaisī vahshat hai log 'shāfī'

gharoñ meñ apne simaT ga.e haiñ

tumhaare raste se haT gae hain

hum apni jaanib palaT gae hain

wo jin ki shaKHon pe jhulte the

shajar wo ganw ke kaT gae hain

sabhi ka qibla to ek hai par

ye log firqon mein baT gae hain

hua hai kis se gunah baadal

baghair barse hi chhaT gae hain

ye kaisi wahshat hai log 'shafi'

gharon mein apne simaT gae hain