tumhaare samne Thahrega mahtab kahan

tumhāre sāmne Thahregā māhtāb kahāñ

hasīñ tumhārī tarah se ye be-hisāb kahāñ

hamāre dil kī umañgoñ kā haal mat pūchho

ab aisā bahr kī maujoñ meñ iztirāb kahāñ

nigāh bhar ke tumheñ dekhne kī hasrat hai

magar hamārī nigāhoñ meñ itnī taab kahāñ

jo ālā-zarf haiñ vo ḳhāksār haiñ saare

guhar mile the ye dariyā magar habāb kahāñ

zarā sī pī ke bahakne kī hai sazā shāyad

jo sirf aañkh chhalaktī hai ab sharāb kahāñ

ziyā se jis kī koī zarra faizyāb nahīñ

vo āftāb kā dhokā hai āftāb kahāñ

kisī pe uñglī uThā.ī to ye ḳhayāl aayā

hamāre jaisā jahāñ meñ koī ḳharāb kahāñ

jo āsmān se utrī hai vo kitāb ho tum

tumhāre jaisī jahāñ meñ koī kitāb kahāñ

hamāre ghar kī hī qismat buland thī shāyad

vagarna aap kahāñ aur hamārā baab kahāñ

'suman' nasīb se vo mujh ko mil ga.e varna

hasīn itnā abhī merā intiḳhāb kahāñ

tumhaare samne Thahrega mahtab kahan

hasin tumhaari tarah se ye be-hisab kahan

hamare dil ki umangon ka haal mat puchho

ab aisa bahr ki maujon mein iztirab kahan

nigah bhar ke tumhein dekhne ki hasrat hai

magar hamari nigahon mein itni tab kahan

jo aala-zarf hain wo KHaksar hain sare

guhar mile the ye dariya magar habab kahan

zara si pi ke bahakne ki hai saza shayad

jo sirf aankh chhalakti hai ab sharab kahan

ziya se jis ki koi zarra faizyab nahin

wo aaftab ka dhoka hai aaftab kahan

kisi pe ungli uThai to ye KHayal aaya

hamare jaisa jahan mein koi KHarab kahan

jo aasman se utri hai wo kitab ho tum

tumhaare jaisi jahan mein koi kitab kahan

hamare ghar ki hi qismat buland thi shayad

wagarna aap kahan aur hamara bab kahan

'suman' nasib se wo mujh ko mil gae warna

hasin itna abhi mera intiKHab kahan