tumhaare sath ye qissa kabhi kabhaar ka hai

tumhāre saath ye qissa kabhī kabhār kā hai

magar ye hijr mire saath bār-bār kā hai

hamāre darmiyāñ ik shak kī film hai jis meñ

kahīñ kahīñ pe koī scene e'tibār kā hai

ye terī ham pe ināyat hai yā chaman meñ kisī

ḳhizāñ-nasīb ke hisse meñ sukh bahār kā hai

agar tū ḳhud ko khulā chhoḌtā hai jān-e-bahār

to tujh pe haq tire pahle umīd-vār kā hai

ye terā jism hai yā rahguzār-e-gul hai koī

qabā kā band hai yā peḌ regzār kā hai

maiñ dil ke baare meñ itnā hī jaan paayā huuñ

kabhī ye ek kā hotā thā ab hazār kā hai

tumhaare sath ye qissa kabhi kabhaar ka hai

magar ye hijr mere sath bar-bar ka hai

hamare darmiyan ek shak ki film hai jis mein

kahin kahin pe koi scene e'tibar ka hai

ye teri hum pe inayat hai ya chaman mein kisi

KHizan-nasib ke hisse mein sukh bahaar ka hai

agar tu KHud ko khula chhoDta hai jaan-e-bahaar

to tujh pe haq tere pahle umid-war ka hai

ye tera jism hai ya rahguzar-e-gul hai koi

qaba ka band hai ya peD regzar ka hai

main dil ke bare mein itna hi jaan paya hun

kabhi ye ek ka hota tha ab hazar ka hai