tumhaare shahr mein jaane kahan se utra tha

tumhāre shahr meñ jaane kahāñ se utrā thā

ki un dinoñ bhī koī us ke dil meñ bastā thā

maiñ jān-būjh ke hone ko aaya thā nīlām

kisī ne tum ko bhī bolī lagāte dekhā thā

ye hādisa thā ki īmān maiñ bhī le aaya

ye sāneha hai ki maiñ ne tumhīñ ko puujā thā

churā ke le gayā merā sukūn merā qarār

vo barsoñ saath mire ghar meñ mere rahtā thā

balā se chhīn ke le jaa.e zindagī merī

maiñ mutma.in huuñ ki merā bhī koī apnā thā

maiñ is tarah se bikā yuuñ luTā phir aisā huā

vo apnī totā kahānī sunāne aaya thā

use sadā hī rahā zo'm pārsā.ī kā

agarche us ko darindoñ ne roz nochā thā

maiñ apnī be-sar-o-sāmāniyāñ chhapā.ūñ kyā

vo ham-safar thā mirā jis ne mujh ko luuTā thā

zabāñ se zaḳhm lagāne se baaz aa 'īraj'

ye zaḳhm maanā tujhe baar baar lagtā thā

tumhaare shahr mein jaane kahan se utra tha

ki un dinon bhi koi us ke dil mein basta tha

main jaan-bujh ke hone ko aaya tha nilam

kisi ne tum ko bhi boli lagate dekha tha

ye hadisa tha ki iman main bhi le aaya

ye saneha hai ki main ne tumhin ko puja tha

chura ke le gaya mera sukun mera qarar

wo barson sath mere ghar mein mere rahta tha

bala se chhin ke le jae zindagi meri

main mutmain hun ki mera bhi koi apna tha

main is tarah se bika yun luTa phir aisa hua

wo apni tota kahani sunane aaya tha

use sada hi raha zo'm parsai ka

agarche us ko darindon ne roz nocha tha

main apni be-sar-o-samaniyan chhapaun kya

wo ham-safar tha mera jis ne mujh ko luTa tha

zaban se zaKHm lagane se baz aa 'iraj'

ye zaKHm mana tujhe bar bar lagta tha