tumhaare sine mein dil ke jaisa jo ek patthar dhaDak raha hai

tumhāre siine meñ dil ke jaisā jo ek patthar dhaḌak rahā hai

vo ek patthar na jaane kitne diloñ kā markaz banā huā hai

ye chāñd se bhī hasīn-tar hai jo chāñd jaisā chamak rahā hai

firāq kī shab meñ āsmāñ par tumhārā chehrā Tañgā huā hai

dil-e-shikasta ke hausloñ ne har ek manzil ko sar kiyā hai

tumhāre dar tak bhī aan pahuñche par is se aage bhī rāsta hai

saḌak pe baiThe hue qalandar ke sar paḌe haiñ savāl kitne

zamāna us se jo pūchhtā hai vo us ne mujh ko batā diyā hai

tumhārī mahfil meñ aane vaale unhī mohabbat ke dushmanoñ ne

tumhārā merā jo vāqi.a thā use fasāna banā rakhā hai

ḳhulūs-e-yārāñ kī qadr lekin ḳhulūs-e-yārāñ kā fā.eda kyā

maiñ in dilāsoñ kā kyā karūñgā ki dard merā bahut baḌā hai

tumhārī yādoñ ke chaḌhte dariyā ko ḳhushk-sālī se kyā ta.alluq

tumhārī yādoñ kā chaḌhtā dariyā har ek mausam meñ bah rahā hai

tumhaare sine mein dil ke jaisa jo ek patthar dhaDak raha hai

wo ek patthar na jaane kitne dilon ka markaz bana hua hai

ye chand se bhi hasin-tar hai jo chand jaisa chamak raha hai

firaq ki shab mein aasman par tumhaara chehra Tanga hua hai

dil-e-shikasta ke hauslon ne har ek manzil ko sar kiya hai

tumhaare dar tak bhi aan pahunche par is se aage bhi rasta hai

saDak pe baiThe hue qalandar ke sar paDe hain sawal kitne

zamana us se jo puchhta hai wo us ne mujh ko bata diya hai

tumhaari mahfil mein aane wale unhi mohabbat ke dushmanon ne

tumhaara mera jo waqia tha use fasana bana rakha hai

KHulus-e-yaran ki qadr lekin KHulus-e-yaran ka faeda kya

main in dilason ka kya karunga ki dard mera bahut baDa hai

tumhaari yaadon ke chaDhte dariya ko KHushk-sali se kya talluq

tumhaari yaadon ka chaDhta dariya har ek mausam mein bah raha hai