tumhaare wasl ko wadon mein rakh diya maine

tumhāre vasl ko va.adoñ meñ rakh diyā maiñ ne

ki jaise phuul kitāboñ meñ rakh diyā maiñ ne

charāġh pahle muñDeroñ pe maiñ ne rakkhe haiñ

phir intizār charāġhoñ meñ rakh diyā maiñ ne

ḳhud apne ishq kī shiddat ko āzmāyā hai

diyā jalā ke havāoñ meñ rakh diyā maiñ ne

kisī kā aks na aa.egā aa.ine meñ mire

tumhāre ruup ko āñkhoñ meñ rakh diyā maiñ ne

tumhaare wasl ko wadon mein rakh diya main ne

ki jaise phul kitabon mein rakh diya main ne

charagh pahle munDeron pe main ne rakkhe hain

phir intizar charaghon mein rakh diya main ne

KHud apne ishq ki shiddat ko aazmaya hai

diya jala ke hawaon mein rakh diya main ne

kisi ka aks na aaega aaine mein mere

tumhaare rup ko aankhon mein rakh diya main ne