tumhaari aankhon ki chemistry ko samjhunga

tumhārī āñkhoñ kī chemistry ko samjhūñgā

phir is ke baad kisī raushnī ko samjhūñgā

ye rail-gāḌī nahīñ hijr kā ishāra hai

maiñ is kī kuuk se afsurdagī ko samjhūñgā

nikāl lā.ūñgā zeno se ishq kī mantiq

arastū paḌhte hue shā.erī ko samjhūñgā

rakhūñgā sāmne val-asr kī ibārat ko

maiñ kā.enāt kī be-chehragī ko samjhūñgā

maiñ apne baap kī ummīd kā sitāra huuñ

so apne farz kī ḳhush-qāmatī ko samjhūñgā

talāzumātī havāloñ pe kaam kar rahā huuñ

tumhāre jism se bālīdgī ko samjhūñgā

tumhaari aankhon ki chemistry ko samjhunga

phir is ke baad kisi raushni ko samjhunga

ye rail-gaDi nahin hijr ka ishaara hai

main is ki kuk se afsurdagi ko samjhunga

nikal launga zeno se ishq ki mantiq

arastu paDhte hue shaeri ko samjhunga

rakhunga samne wal-asr ki ibarat ko

main kaenat ki be-chehragi ko samjhunga

main apne bap ki ummid ka sitara hun

so apne farz ki KHush-qamati ko samjhunga

talazumati hawalon pe kaam kar raha hun

tumhaare jism se baalidgi ko samjhunga