tumhaari bazm mein jo log ja ke baiThe hain

tumhārī bazm meñ jo log jā ke baiThe haiñ

nasīb daav pe apnā lagā ke baiThe haiñ

ye do-jahān ke afrād vaqt ke haiñ ġhulām

baḌe-baḌoñ ko bhī ham aazmā ke baiThe haiñ

madad ke vāste aa.egā kaun dekhnā hai

ham apnā dard sabhī ko sunā ke baiThe haiñ

hai matlabī ye zamāna kisī kā koī nahīñ

diyā umiid kā phir bhī jalā ke baiThe haiñ

nahīñ hai koī bhī dīvāngī kā zimmedār

ḳhudī kā haal ye ḳhud hī banā ke baiThe haiñ

unheñ dikhā.ī nahīñ detā mustahiq koī

jo kā.enāt kī daulat dabā ke baiThe haiñ

jo dekhtā hai vo kahtā hai mutma.in ham ko

ye aur baat ke sab kuchh luTā ke baiThe haiñ

ajiib haal hai duniyā kā ai 'sharar-naqvī'

jinheñ thā jhuknā vahī sar uThā ke baiThe haiñ

tumhaari bazm mein jo log ja ke baiThe hain

nasib daw pe apna laga ke baiThe hain

ye do-jahan ke afrad waqt ke hain ghulam

baDe-baDon ko bhi hum aazma ke baiThe hain

madad ke waste aaega kaun dekhna hai

hum apna dard sabhi ko suna ke baiThe hain

hai matlabi ye zamana kisi ka koi nahin

diya umid ka phir bhi jala ke baiThe hain

nahin hai koi bhi diwangi ka zimmedar

KHudi ka haal ye KHud hi bana ke baiThe hain

unhen dikhai nahin deta mustahiq koi

jo kaenat ki daulat daba ke baiThe hain

jo dekhta hai wo kahta hai mutmain hum ko

ye aur baat ke sab kuchh luTa ke baiThe hain

ajib haal hai duniya ka ai 'sharar-naqwi'

jinhen tha jhukna wahi sar uTha ke baiThe hain