tumhaari bazm mein mujh tak bhi jam aaya to

tumhārī bazm meñ mujh tak bhī jaam aayā to

vufūr-e-shauq ne koī maqām paayā to

qadam qadam pe hamārī hī āzmā.ish hai

agar tumheñ kisī manzil pe āzmāyā to

ham apnī tāb-e-nazar se bahut pashemāñ haiñ

phir ab kī baar hameñ kuchh nazar na aayā to

dil-e-tabāh se shāyad koī kiran phūTī

harīm-e-shauq kā har gosha jagmagāyā to

tumhāre ġham ko matā-e-hayāt samjhā huuñ

ba-ittifāq ye ġham bhī na raas aayā to

mujhe satāo baḌe shauq se satāo tum

mujhe satā ke bhī tum ne na chain paayā to

tumhaari bazm mein mujh tak bhi jam aaya to

wufur-e-shauq ne koi maqam paya to

qadam qadam pe hamari hi aazmaish hai

agar tumhein kisi manzil pe aazmaya to

hum apni tab-e-nazar se bahut pasheman hain

phir ab ki bar hamein kuchh nazar na aaya to

dil-e-tabah se shayad koi kiran phuTi

harim-e-shauq ka har gosha jagmagaya to

tumhaare gham ko mata-e-hayat samjha hun

ba-ittifaq ye gham bhi na ras aaya to

mujhe satao baDe shauq se satao tum

mujhe sata ke bhi tum ne na chain paya to