تمہاری بے رخی نے رنگ آخر کچھ تو دکھلایا

تمہاری بے رخی نے رنگ آخر کچھ تو دکھلایا

کسی کو رکھ کے پھولوں میں ہمیں کانٹوں میں تلوایا

جہاں میں ہاتھ پھیلانے کے بھی انداز ہوتے ہیں

ہمیں اب تک گدائی کا سلیقہ ہی نہیں آیا

محبت جس کو ہوتی ہے وہ منہ دیکھے کی ہوتی ہے

غضب ہے مجھ پہ میں اس عشق پر ایمان لے آیا

خلوص اور راستی میں کیا پڑا ہے چھوڑ دیوانے

ہوس نے مجھ کو حق کی راہ سے بے طرح بھٹکایا

وہ نکلے اشکؔ جن کو گوہر نایاب سمجھے تھے

بھرم ٹوٹا تو دیکھا ایک دھوکہ اور بھی کھایا