tumhaari be-ruKHi ne rang aaKHir kuchh to dikhlaya

tumhārī be-ruḳhī ne rang āḳhir kuchh to dikhlāyā

kisī ko rakh ke phūloñ meñ hameñ kāñToñ meñ tulvāyā

jahāñ meñ haath phailāne ke bhī andāz hote haiñ

hameñ ab tak gadā.ī kā salīqa hī nahīñ aayā

mohabbat jis ko hotī hai vo muñh dekhe kī hotī hai

ġhazab hai mujh pe maiñ is 'ishq par īmān le aaya

ḳhulūs aur rāstī meñ kyā paḌā hai chhoḌ dīvāne

havas ne mujh ko haq kī raah se be-tarh bhaTkāyā

vo nikle 'ashk' jin ko gauhar-e-nāyāb samjhe the

bharam TuuTā to dekhā ek dhoka aur bhī khāyā

tumhaari be-ruKHi ne rang aaKHir kuchh to dikhlaya

kisi ko rakh ke phulon mein hamein kanTon mein tulwaya

jahan mein hath phailane ke bhi andaz hote hain

hamein ab tak gadai ka saliqa hi nahin aaya

mohabbat jis ko hoti hai wo munh dekhe ki hoti hai

ghazab hai mujh pe main is 'ishq par iman le aaya

KHulus aur rasti mein kya paDa hai chhoD diwane

hawas ne mujh ko haq ki rah se be-tarh bhaTkaya

wo nikle 'ashk' jin ko gauhar-e-nayab samjhe the

bharam TuTa to dekha ek dhoka aur bhi khaya