tumhaari KHushbu thi ham-safar to hamara lahja hi dusra tha
tumhaari KHushbu thi ham-safar to hamara lahja hi dusra tha
Iqbal Ashhar
MORE BYIqbal Ashhar
tumhārī ḳhushbū thī ham-safar to hamārā lahja hī dūsrā thā
ye aks bhī āshnā sā hai kuchh magar vo chehra hī dūsrā thā
vo adh-khulī khiḌkiyoñ kā mausam guzar gayā to ye raaz jaanā
idhar shanāsā.ī tak nahīñ thī udhar taqāzā hī dūsrā thā
gulāb khilte the chāhatoñ ke charāġh jalte the āhaToñ ke
jahāñ barastī haiñ vahshateñ ab kabhī vo rasta hī dūsrā thā
kabhī na kahtā thā dil hamārā ki āñ.suoñ ko likheñ sitāra
judā.iyoñ kī kasak se pahle ye isti.āra hī dūsrā thā
udaas lafzoñ ke rāste meñ ye raushnī kī lakīr kab thī
mohabbatoñ ke safar se pahle ġhazal kā lahja hī dūsrā thā
tumhaari KHushbu thi ham-safar to hamara lahja hi dusra tha
ye aks bhi aashna sa hai kuchh magar wo chehra hi dusra tha
wo adh-khuli khiDkiyon ka mausam guzar gaya to ye raaz jaana
idhar shanasai tak nahin thi udhar taqaza hi dusra tha
gulab khilte the chahaton ke charagh jalte the aahaTon ke
jahan barasti hain wahshaten ab kabhi wo rasta hi dusra tha
kabhi na kahta tha dil hamara ki aansuon ko likhen sitara
judaiyon ki kasak se pahle ye istiara hi dusra tha
udas lafzon ke raste mein ye raushni ki lakir kab thi
mohabbaton ke safar se pahle ghazal ka lahja hi dusra tha
- Book : Rat jage (Pg. 59)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
