tumhaari raza mein hamari raza hai tumhein ye pata hai

tumhārī razā meñ hamārī razā hai tumheñ ye pata hai

tumhārā ḳhudā hī hamārā ḳhudā hai tumheñ ye pata hai

jo guzrā thā ham pe kabhī hādisa vo jigar meñ chhupā thā

vahī hādisa ab ubharne lagā hai tumheñ ye pata hai

ki jis ke sabab hiir rāñjhā zamāne ke dushman bane the

usī ishq kā bhuut tum par chaḌhā hai tumheñ ye pata hai

faqat ek ham hī jahāñ se alag ho ke zinda nahīñ haiñ

tumheñ bhī jahāñ se chhupā ke rakhā hai tumheñ ye pata hai

tumhārī taraf shaam hote hī ab to qadam chal paḌe haiñ

tumhārī nigāhoñ meñ ik mai-kada hai tumheñ ye pata hai

tumheñ lag rahā hai tumhāre sitam par nazar hī nahīñ hai

musalsal ḳhudā bhī tumheñ dekhtā hai tumheñ ye pata hai

purāne ḳhayāloñ ko 'sohil' rafū kar rahe ho faqat tum

jo tum ne likhā hai vo sab likh chukā hai tumheñ ye pata hai

tumhaari raza mein hamari raza hai tumhein ye pata hai

tumhaara KHuda hi hamara KHuda hai tumhein ye pata hai

jo guzra tha hum pe kabhi hadisa wo jigar mein chhupa tha

wahi hadisa ab ubharne laga hai tumhein ye pata hai

ki jis ke sabab hir ranjha zamane ke dushman bane the

usi ishq ka bhut tum par chaDha hai tumhein ye pata hai

faqat ek hum hi jahan se alag ho ke zinda nahin hain

tumhein bhi jahan se chhupa ke rakha hai tumhein ye pata hai

tumhaari taraf sham hote hi ab to qadam chal paDe hain

tumhaari nigahon mein ek mai-kada hai tumhein ye pata hai

tumhein lag raha hai tumhaare sitam par nazar hi nahin hai

musalsal KHuda bhi tumhein dekhta hai tumhein ye pata hai

purane KHayalon ko 'sohil' rafu kar rahe ho faqat tum

jo tum ne likha hai wo sab likh chuka hai tumhein ye pata hai