tumhaari yaad ke manzar purane gher lete hain

tumhārī yaad ke manzar purāne gher lete haiñ

na jaane DhūñDh kar kaise kahāñ se gher lete haiñ

jo ham ne un dinoñ bas yuuñ hī pokhar meñ uchhāle the

lagūñ jab Dūbne to vo hī tinke gher lete haiñ

maiñ aisī shohratoñ kī soch se bhī ḳhauf khātā huuñ

jidhar niklo udhar aḳhbār vaale gher lete haiñ

ḳhudā jaane ḳhudā ne kyuuñ mujhe itnā navāzā hai

maiñ jab bhī laḌkhaḌātā huuñ sahāre gher lete haiñ

ye tāqat aur ye shohrat samay kā pher hai pyāre

galī apnī ho to hāthī ko kutte gher lete haiñ

ye mere dost bhī kam-baḳht rone tak nahīñ dete

zarā sā aañkh kyā bhīgī kamīne gher lete haiñ

tumhaari yaad ke manzar purane gher lete hain

na jaane DhunDh kar kaise kahan se gher lete hain

jo hum ne un dinon bas yun hi pokhar mein uchhaale the

lagun jab Dubne to wo hi tinke gher lete hain

main aisi shohraton ki soch se bhi KHauf khata hun

jidhar niklo udhar aKHbar wale gher lete hain

KHuda jaane KHuda ne kyun mujhe itna nawaza hai

main jab bhi laDkhaData hun sahaare gher lete hain

ye taqat aur ye shohrat samay ka pher hai pyare

gali apni ho to hathi ko kutte gher lete hain

ye mere dost bhi kam-baKHt rone tak nahin dete

zara sa aankh kya bhigi kamine gher lete hain