tumhaari zulf ki bahon mein ja basi shayad

tumhārī zulf kī bāhoñ meñ jā basī shāyad

hayāt mast fazāoñ meñ jā basī shāyad

mirī nigāh meñ thī arsa-e-darāz se jo

ḳhushī vo duur ḳhalāoñ meñ jā basī shāyad

samajh rahe the hiran dasht meñ samundar hai

nigāh un kī sarāboñ meñ jā basī shāyad

vo rang-o-nūr kī duniyā jo ham se chhūT ga.ī

kisī chaman kī bahāroñ meñ jā basī shāyad

mirī nigāh se aḳhtar-shumāriyāñ na ga.iiñ

mirī nigāh sitāroñ meñ jā basī shāyad

tumhaari zulf ki bahon mein ja basi shayad

hayat mast fazaon mein ja basi shayad

meri nigah mein thi arsa-e-daraaz se jo

KHushi wo dur KHalaon mein ja basi shayad

samajh rahe the hiran dasht mein samundar hai

nigah un ki sarabon mein ja basi shayad

wo rang-o-nur ki duniya jo hum se chhuT gai

kisi chaman ki bahaaron mein ja basi shayad

meri nigah se aKHtar-shumariyan na gain

meri nigah sitaron mein ja basi shayad