tumhein husn ne pur-jafa kar diya
tumheñ husn ne pur-jafā kar diyā
hameñ ishq ne bā-vafā kar diyā
ye un kī nigāhoñ kā ehsān hai
mire dil ko dard-āshnā kar diyā
balā se mirī jaan jaatī rahe
mohabbat kā haq to adā kar diyā
huā saarī mahfil pe un kā itaab
ye kis ne mirā tazkira kar diyā
chakhā kar zarā sā maza vasl kā
mirā 'shauq' had se sivā kar diyā
tumhein husn ne pur-jafa kar diya
hamein ishq ne ba-wafa kar diya
ye un ki nigahon ka ehsan hai
mere dil ko dard-ashna kar diya
bala se meri jaan jati rahe
mohabbat ka haq to ada kar diya
hua sari mahfil pe un ka itab
ye kis ne mera tazkira kar diya
chakha kar zara sa maza wasl ka
mera 'shauq' had se siwa kar diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
