تمہیں اتنا بتانا چاہتے ہیں
تمہیں اتنا بتانا چاہتے ہیں
قسم سے مسکرانا چاہتے ہیں
کٹے گی در بدر یہ عمر کب تک
کہیں تو اب ٹھکانا چاہتے ہیں
شجر محفوظ آنگن کا رکھو تم
پرندے چہچہانا چاہتے ہیں
عداوت عمر بھر کرتے رہے جو
تعلق اب نبھانا چاہتے ہیں
اندھیرے کی نمائش خوب کر کے
چراغوں کو جلانا چاہتے ہیں
نگاہوں کی پہنچ سے دور اب تک
تمہاری زد میں آنا چاہتے ہیں
گزارا واہ واہی سے نہ ہوگا
ذرا دولت کمانا چاہتے ہیں
عقیدت سے جھکایا جا سکے سر
ابھےؔ وہ آستانہ چاہتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
