tumhein pane ki chahat hai magar khone ka Dar bhi hai

tumheñ paane kī chāhat hai magar khone kā Dar bhī hai

ki dil shahr-e-tamannā hai to mahrūmī kā ghar bhī hai

vafā ke baaġh meñ jhūle paḌe haiñ ārzūoñ ke

duāoñ kī harī beloñ pe ḳhvāhish kā samar bhī hai

fasīl-e-fikr pe yādoñ kī qindīleñ bhī zau-afshāñ

tumhārī muntazir maiñ hī nahīñ ye chashm-e-tar bhī hai

masāfat nā-ummīdī kī paḌī hai paañv meñ mere

tumhārī ham-rahī bhī hai magar tanhā safar bhī hai

chamaktī kāñch jaisī dhaḌkanoñ ko toḌne vaalā

vo patthar dil bahut maanā huā ik shīshagar bhī hai

suno tum kah rahe the naañ duā meñ maañg lo mujh ko

magar tum soch lo merī duāoñ meñ asar bhī hai

hamārī ek ḳhāmī hai tumhārī zaat meñ khonā

tumheñ tum se churā lenā hamārā ik hunar bhī hai

suno us chāñd se kahnā mere āñgan meñ bhī utre

saḌak ke paar kachche rāste par merā ghar bhī hai

'kañval' e.azāz bhī kahtī hai is ko jurm bhī duniyā

ki badnām-e-zamāna bhī mohabbat mo'atabar bhī hai

tumhein pane ki chahat hai magar khone ka Dar bhi hai

ki dil shahr-e-tamanna hai to mahrumi ka ghar bhi hai

wafa ke bagh mein jhule paDe hain aarzuon ke

duaon ki hari belon pe KHwahish ka samar bhi hai

fasil-e-fikr pe yaadon ki qindilen bhi zau-afshan

tumhaari muntazir main hi nahin ye chashm-e-tar bhi hai

masafat na-ummidi ki paDi hai panw mein mere

tumhaari ham-rahi bhi hai magar tanha safar bhi hai

chamakti kanch jaisi dhaDkanon ko toDne wala

wo patthar dil bahut mana hua ek shishagar bhi hai

suno tum kah rahe the nan dua mein mang lo mujh ko

magar tum soch lo meri duaon mein asar bhi hai

hamari ek KHami hai tumhaari zat mein khona

tumhein tum se chura lena hamara ek hunar bhi hai

suno us chand se kahna mere aangan mein bhi utre

saDak ke par kachche raste par mera ghar bhi hai

'kanwal' eazaz bhi kahti hai is ko jurm bhi duniya

ki badnam-e-zamana bhi mohabbat mo'atabar bhi hai