tumhein rasm-e-wafa aai na hum tarz-e-karam samjhe

tumheñ rasm-e-vafā aa.ī na ham tarz-e-karam samjhe

ġharaz ā.īn-e-ulfat ko na tum samjhe na ham samjhe

mizāj-e-gardish-e-daurāñ agar samjhe to ham samjhe

kisī ke kākul-e-barham kā aks-e-pech-o-ḳham samjhe

jabīneñ chūmtī haiñ aaj bhī naqsh-e-qadam un ke

jo ahl-e-dil tire abrū ko mehrāb-e-haram samjhe

shu.ūr-e-bandagī hai yā ye e.ajāz-e-mohabbat hai

ki ham mahrūmiyoñ ko bhī tirā husn-e-karam samjhe

har insāñ hubb-e-duniyāvī meñ tā-hadd-e-junūñ gum hai

haqīqat ko magar duniyā kī aksar log kam samjhe

sarāb-e-zindagī se pher le nazreñ agar koī

lahū kī gardish-e-paiham nafas kā zer-o-bam samjhe

kaTī mashq-e-suḳhan meñ umr itnī phir bhī ham 'at.har'

na qadar-e-harf pahchāne na tauqīr-e-qalam samjhe

tumhein rasm-e-wafa aai na hum tarz-e-karam samjhe

gharaz aain-e-ulfat ko na tum samjhe na hum samjhe

mizaj-e-gardish-e-dauran agar samjhe to hum samjhe

kisi ke kakul-e-barham ka aks-e-pech-o-KHam samjhe

jabinen chumti hain aaj bhi naqsh-e-qadam un ke

jo ahl-e-dil tere abru ko mehrab-e-haram samjhe

shuur-e-bandagi hai ya ye eajaz-e-mohabbat hai

ki hum mahrumiyon ko bhi tera husn-e-karam samjhe

har insan hubb-e-duniyawi mein ta-hadd-e-junun gum hai

haqiqat ko magar duniya ki aksar log kam samjhe

sarab-e-zindagi se pher le nazren agar koi

lahu ki gardish-e-paiham nafas ka zer-o-bam samjhe

kaTi mashq-e-suKHan mein umr itni phir bhi hum 'athar'

na qadar-e-harf pahchane na tauqir-e-qalam samjhe