tumhein tumhaare tariqe se marne ke liye

tumheñ tumhāre tarīqe se mārne ke liye

ye dil diyā tumheñ dil se utārne ke liye

tumhīñ ne chhoḌ diyā saath jab musībat meñ

kise talāsh karūñ ab pukārne ke liye

vafā kī raah meñ sab kuchh luTā diyā maiñ ne

bachā hī kyā hai mire paas hārne ke liye

na jaane kitnī mashaqqat ke saath rahtā huuñ

ai zindagī terī zulfeñ sañvārne ke liye

ġham-e-firāq meñ dil ko jalā liyā maiñ ne

tumhārī yaad meñ har shab guzārne ke liye

ye aur baat ki maiñ muskurātā rahtā huuñ

ġhamoñ kī dhuup se ḳhud ko nikhārne ke liye

chhupā ke laa.e haiñ kuchh dost āstīnoñ meñ

hamāre siine meñ ḳhanjar utārne ke liye

hamesha rakhte haiñ ham ḳhud ko bā-vazū 'raunaq'

vatan pe apne dil-o-jāñ ko vārne ke liye

tumhein tumhaare tariqe se marne ke liye

ye dil diya tumhein dil se utarne ke liye

tumhin ne chhoD diya sath jab musibat mein

kise talash karun ab pukarne ke liye

wafa ki rah mein sab kuchh luTa diya main ne

bacha hi kya hai mere pas haarne ke liye

na jaane kitni mashaqqat ke sath rahta hun

ai zindagi teri zulfen sanwarne ke liye

gham-e-firaq mein dil ko jala liya main ne

tumhaari yaad mein har shab guzarne ke liye

ye aur baat ki main muskuraata rahta hun

ghamon ki dhup se KHud ko nikhaarne ke liye

chhupa ke lae hain kuchh dost aastinon mein

hamare sine mein KHanjar utarne ke liye

hamesha rakhte hain hum KHud ko ba-wazu 'raunaq'

watan pe apne dil-o-jaan ko warne ke liye