turfa chaman khila hai dil-e-dagh-dar ka

turfa chaman khilā hai dil-e-dāġh-dār kā

ya.anī ḳhizāñ se kaam liyā hai bahār kā

kaT jaa.e pattā kab varaq-e-rozgār kā

kyā e'tibār hasti-e-nā-pā.edār kā

madfan hai ik shahīd-e-ġharīb-ud-dayār kā

katba batā rahā hai ye lauh-e-mazār kā

pahuñchā sabā ke saath vo kūche meñ yaar ke

dekho to hausla mire musht-e-ġhubār kā

jannat kā sabz-bāġh na zāhid dikhā mujhe

mere bhī ghar meñ peḌ lagā hai anaar kā

bāra-darī meñ rahtā huuñ 'sho.ala' sharaf ye hai

asnā-ashar huuñ shukr hai parvardigār kā

turfa chaman khila hai dil-e-dagh-dar ka

yani KHizan se kaam liya hai bahaar ka

kaT jae patta kab waraq-e-rozgar ka

kya e'tibar hasti-e-na-paedar ka

madfan hai ek shahid-e-gharib-ud-dayar ka

katba bata raha hai ye lauh-e-mazar ka

pahuncha saba ke sath wo kuche mein yar ke

dekho to hausla mere musht-e-ghubar ka

jannat ka sabz-bagh na zahid dikha mujhe

mere bhi ghar mein peD laga hai anar ka

bara-dari mein rahta hun 'shoala' sharaf ye hai

asna-ashar hun shukr hai parwardigar ka