tu be-shak miTha miTha bolta hai

tū be-shak mīThā mīThā boltā hai

magar kuchh aur chehra boltā hai

tumhārā shahr hai yā karbalā hai

lagī hai pyaas dariyā boltā hai

vo āñkheñ band kar letā hai apnī

aur ā.īne ko andhā boltā hai

sunegā kyā kisī kī tū nasīhat

tire pocket meñ paisa boltā hai

bhale ho jaa.eñ gūñge saare rishte

magar mamtā kā rishta boltā hai

ġhalat rahbar ke pīchhe jā rahe ho

sañbhal jaao ye rasta boltā hai

virāsat hai hamārī bhī yahāñ par

vatan kā mere naqsha boltā hai

tū achchhā boltā hai phir bhī 'ātif'

zarūrat se ziyāda boltā hai

tu be-shak miTha miTha bolta hai

magar kuchh aur chehra bolta hai

tumhaara shahr hai ya karbala hai

lagi hai pyas dariya bolta hai

wo aankhen band kar leta hai apni

aur aaine ko andha bolta hai

sunega kya kisi ki tu nasihat

tere pocket mein paisa bolta hai

bhale ho jaen gunge sare rishte

magar mamta ka rishta bolta hai

ghalat rahbar ke pichhe ja rahe ho

sanbhal jao ye rasta bolta hai

wirasat hai hamari bhi yahan par

watan ka mere naqsha bolta hai

tu achchha bolta hai phir bhi 'atif'

zarurat se ziyaada bolta hai