tu bhi wafa ke rup mein ab Dhal ke dekh le
tū bhī vafā ke ruup meñ ab Dhal ke dekh le
is aag meñ hamārī tarah jal ke dekh le
dasht-e-talab meñ pyaar ke ġhunche bhī khil uTheñ
kuchh roz mere saath kabhī chal ke dekh le
mumkin hai koī sub.h-e-tamannā ho is ke ba.ad
ai hasratoñ kī raat zarā Dhal ke dekh le
kuchh gard-bād ġham ke umīdoñ ke kuchh sarāb
manzar hamāre dil meñ koī thal ke dekh le
rakhte haiñ ham bhī jur.at-e-iz.hār-e-zindagī
mahrūmiyoñ kā ḳhauf agar Tal ke dekh le
is dil meñ ho chukā hai bahut valvaloñ kā ḳhuun
ai jazb-e-shauq tū bhī yahāñ pal ke dekh le
'az.har' tirā nasīb hai ye shabnamī bahār
chehre pe tū bhī rañg-e-ḳhizāñ mal ke dekh le
tu bhi wafa ke rup mein ab Dhal ke dekh le
is aag mein hamari tarah jal ke dekh le
dasht-e-talab mein pyar ke ghunche bhi khil uThen
kuchh roz mere sath kabhi chal ke dekh le
mumkin hai koi subh-e-tamanna ho is ke baad
ai hasraton ki raat zara Dhal ke dekh le
kuchh gard-baad gham ke umidon ke kuchh sarab
manzar hamare dil mein koi thal ke dekh le
rakhte hain hum bhi jurat-e-izhaar-e-zindagi
mahrumiyon ka KHauf agar Tal ke dekh le
is dil mein ho chuka hai bahut walwalon ka KHun
ai jazb-e-shauq tu bhi yahan pal ke dekh le
'azhar' tera nasib hai ye shabnami bahaar
chehre pe tu bhi rang-e-KHizan mal ke dekh le
- Book : Pakistani Adab (Pg. 327)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
