تو ہوا کے ہاتھ پہ چاہتوں کا دیا جلانے کی ضد نہ کر

تو ہوا کے ہاتھ پہ چاہتوں کا دیا جلانے کی ضد نہ کر

یہ اداس لوگوں کا شہر ہے یہاں مسکرانے کی ضد نہ کر

میں ہوں دوستوں کا ڈسا ہوا مرا غم ہے حد سے بڑھا ہوا

میں شکستہ گھر کی مثال ہوں مرے پاس آنے کی ضد نہ کر

میں تری غزل تو نہیں ہوں نا جو ہر ایک لب پہ سجا رہوں

میں تو ایک مصرعۂ درد ہوں مجھے گنگنانے کی ضد نہ کر

ابھی لوٹ آ ابھی وقت ہے ابھی سانس باقی ہے جسم میں

تجھے علم ہے مری جاں ہے تو مجھے آزمانے کی ضد نہ کر