تو ہی بتا مرے ہمدم یہ کیسے ممکن ہے (ردیف .. ن)

تو ہی بتا مرے ہمدم یہ کیسے ممکن ہے

کروں نہ قدر چمن پاس خار زار کروں

حیات موت سے ہر حال میں جب افضل ہے

تو انقلاب کی رہ کیوں نہ اختیار کروں

بشر جب اپنے مقدر کا آپ مالک ہے

تو کیوں نہ قہر خدا ہی کو شرمسار کروں

کیا ہے خوار مجھے جس سماج نے اس پر

پلٹ کے میں بھی نہ کیوں تیغ فن سے وار کروں

نہاں ہو جس کے اندھیرے میں صبح کی کونپل

میں ایسی رات سے جی بھر کے کیوں نہ پیار کروں

ہے عزم زیست جب اقدام خودکشی سے حسیں

تو کیوں نہ ایسے ارادے میں بار بار کروں