tu is tarah se na kar lal lal aankhon ko

tū is tarah se na kar laal laal āñkhoñ ko

jo baat karnī ho āñkhoñ meñ Daal āñkhoñ ko

hisāb denā paḌegā unheñ bhī mahshar meñ

abhī to chhūT milī hai ġhazāl āñkhoñ ko

yahī du'ā hai unheñ yuuñ rakhe ḳhudā mahfūz

burī nazar na lage be-misāl āñkhoñ ko

phir is ke baa'd use hosh hī nahīñ rahtā

jo dekh letā hai aisī vabāl āñkhoñ ko

koī javāb mujhe phir nahīñ milā us kā

banā ke laayā sarāsar savāl āñkhoñ ko

bas ek nusḳha batātā huuñ kāmyābī kā

ki chuum lenā unhīñ nek-fāl āñkhoñ ko

ab aise daur meñ bīnā.ī bhī aziyyat hai

maiñ chāhtā huuñ ki pheñkūñ nikāl āñkhoñ ko

phir ek baar use dekhne kī chāhat hai

magar dubāra kahāñ hai majāl āñkhoñ ko

kisī bhī tarh se mumkin kahāñ hai ye 'ishrat'

ki ashk suiT kareñ ḳhush-ḳhisāl āñkhoñ ko

tu is tarah se na kar lal lal aankhon ko

jo baat karni ho aankhon mein Dal aankhon ko

hisab dena paDega unhen bhi mahshar mein

abhi to chhuT mili hai ghazal aankhon ko

yahi du'a hai unhen yun rakhe KHuda mahfuz

buri nazar na lage be-misal aankhon ko

phir is ke ba'd use hosh hi nahin rahta

jo dekh leta hai aisi wabaal aankhon ko

koi jawab mujhe phir nahin mila us ka

bana ke laya sarasar sawal aankhon ko

bas ek nusKHa batata hun kaamyabi ka

ki chum lena unhin nek-fal aankhon ko

ab aise daur mein binai bhi aziyyat hai

main chahta hun ki phenkun nikal aankhon ko

phir ek bar use dekhne ki chahat hai

magar dubara kahan hai majal aankhon ko

kisi bhi tarh se mumkin kahan hai ye 'ishrat'

ki ashk suiT karen KHush-KHisal aankhon ko