tu jawan ab koi kaam ka na raha

tū javāñ ab koī kaam kā na rahā

is meñ kuchh jazba-e-irtiqā na rahā

ye fasāna nahīñ ye haqīqat hai sun

merā ho ke sanam tū mirā na rahā

har taraf shor hai ab gulistān meñ

shāḳh par koī pattā harā na rahā

ishq meñ tere jab bevafā.ī milī

tujh se milne kā ab aasrā na rahā

husn-e-yūsuf pe jis kī nigāheñ paḌīñ

misr meñ koī bhī pārsā na rahā

terī chāhat ne itne kiye haiñ sitam

zaḳhm sahne kā bhī hausla na rahā

kis tarah piitā 'sājid' sharāb-e-vafā

is meñ kuchh aaj jab zā.iqa na rahā

tu jawan ab koi kaam ka na raha

is mein kuchh jazba-e-irtiqa na raha

ye fasana nahin ye haqiqat hai sun

mera ho ke sanam tu mera na raha

har taraf shor hai ab gulistan mein

shaKH par koi patta hara na raha

ishq mein tere jab bewafai mili

tujh se milne ka ab aasra na raha

husn-e-yusuf pe jis ki nigahen paDin

misr mein koi bhi parsa na raha

teri chahat ne itne kiye hain sitam

zaKHm sahne ka bhi hausla na raha

kis tarah pita 'sajid' sharab-e-wafa

is mein kuchh aaj jab zaiqa na raha