tu KHafa mujhse hua kya bais

tū ḳhafā mujh se huā kyā baa.is

jurm kyā mujh se huā kyā baa.is

kis liye dushman-e-jāñ hai tū gunāh

kaun-sā mujh se huā kyā baa.is

kyoñ dil-āzār hai tū koī qusūr

dil se yā mujh se huā kyā baa.is

bas maiñ us but ke jo Daalā hai gunāh

kyā ḳhudā mujh se huā kyā baa.is

kyā jihat kyā hai sabab kyā maujib

tū judā mujh se huā kyā baa.is

aaj vo lo.bat-e-chīñ chīñ-ba-jabīñ

be-ḳhatā mujh se huā kyā baa.is

raat 'be-sabr' vo barham nāhaq

nā-ravā mujh se huā kyā baa.is

tu KHafa mujh se hua kya bais

jurm kya mujh se hua kya bais

kis liye dushman-e-jaan hai tu gunah

kaun-sa mujh se hua kya bais

kyon dil-azar hai tu koi qusur

dil se ya mujh se hua kya bais

bas main us but ke jo Dala hai gunah

kya KHuda mujh se hua kya bais

kya jihat kya hai sabab kya maujib

tu juda mujh se hua kya bais

aaj wo lobat-e-chin chin-ba-jabin

be-KHata mujh se hua kya bais

raat 'be-sabr' wo barham nahaq

na-rawa mujh se hua kya bais