tu kya jaane ruh bhi zaKHmi hoti hai

tū kyā jaane ruuh bhī zaḳhmī hotī hai

jab lafzoñ se dahshat-gardī hotī hai

aa jaatā hai bin dastak ke vo dil meñ

phir kab jaa.e us kī marzī hotī hai

maiñ to dekhtā rahtā huuñ bas us kā khel

rūh-o-dil meñ guttham-gutthī hotī hai

us ne nafrat ghol dī dil ke dariyā meñ

har manzar meñ ḳhuun kī surḳhī hotī hai

mujh ko maar ke zinda rahnā hai us ko

us ko kab mujh se hamdardī hotī hai

aur to ham se kyā hotā hai bas itnā

dard meñ Dūboñ kī ġham-ḳhvārī hotī hai

is chhoTe se dil meñ duniyā bas jaa.e

vo duniyā jo ġham kī maarī hotī hai

us se milūñ to ek qayāmat barpā ho

ḳhud kī ḳhud se parda-dārī hotī hai

ġham hī rahtā hai ham jaisoñ ke dil meñ

dil-bastī ḳhushiyoñ se ḳhālī hotī hai

jin logoñ ko mere ġham mil jaate haiñ

un kī adā jiine kī nirālī hotī hai

tu kya jaane ruh bhi zaKHmi hoti hai

jab lafzon se dahshat-gardi hoti hai

aa jata hai bin dastak ke wo dil mein

phir kab jae us ki marzi hoti hai

main to dekhta rahta hun bas us ka khel

ruh-o-dil mein guttham-gutthi hoti hai

us ne nafrat ghol di dil ke dariya mein

har manzar mein KHun ki surKHi hoti hai

mujh ko mar ke zinda rahna hai us ko

us ko kab mujh se hamdardi hoti hai

aur to hum se kya hota hai bas itna

dard mein Dubon ki gham-KHwari hoti hai

is chhoTe se dil mein duniya bas jae

wo duniya jo gham ki mari hoti hai

us se milun to ek qayamat barpa ho

KHud ki KHud se parda-dari hoti hai

gham hi rahta hai hum jaison ke dil mein

dil-basti KHushiyon se KHali hoti hai

jin logon ko mere gham mil jate hain

un ki ada jine ki nirali hoti hai