tu kya jaane teri babat kya kya socha karte hain
tū kyā jaane terī bābat kyā kyā sochā karte haiñ
āñkheñ mūñde rahte haiñ aur tujh ko sochā karte haiñ
duur talak lahreñ bantī haiñ phailtī haiñ kho jaatī haiñ
dil ke baasī zehn kī jhiil meñ kañkar pheñkā karte haiñ
ek ghanā sā peḌ thā barsoñ pahle jis ko kaaT diyā
shaam Dhale kuchh panchhī haiñ ab bhī mañDlāyā karte haiñ
aksar yuuñ hotā hai havā.eñ ThaTThā maar ke hañstī haiñ
aur khiḌkī darvāze apnā siina piiTā karte haiñ
tū ne basā.ī hai jo bastī us kī bāteñ tū hī jaan
yaañ to bachche ab bhī ammāñ abbā khelā karte haiñ
tu kya jaane teri babat kya kya socha karte hain
aankhen munde rahte hain aur tujh ko socha karte hain
dur talak lahren banti hain phailti hain kho jati hain
dil ke basi zehn ki jhil mein kankar phenka karte hain
ek ghana sa peD tha barson pahle jis ko kaT diya
sham Dhale kuchh panchhi hain ab bhi manDlaya karte hain
aksar yun hota hai hawaen ThaTTha mar ke hansti hain
aur khiDki darwaze apna sina piTa karte hain
tu ne basai hai jo basti us ki baaten tu hi jaan
yan to bachche ab bhi amman abba khela karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
