tu mere aks-e-tasawwur se juda lagta nahin

tū mire aks-e-tasavvur se judā lagtā nahīñ

fāsle jo darmiyāñ hai fāsla lagtā nahīñ

kaalī rāteñ dekh luuñ to ḳhauf aatā hai mujhe

ḳhvāb kyā phir niiñd se bhī rābta lagtā nahīñ

aa.ine ne mujh se pūchhā tū batā ye kaun hai

maiñ ne dekhā aur kahā kuchh bhī pata lagtā nahīñ

kyā mohabbat kyā hai nafrat do alag haiñ silsile

jaise sach kā jhuuT se bhī vāsta lagtā nahīñ

harf saare bol uTTheñ jab bhī maiñ likhne lagūñ

ab koī jazba mirā mahv-e-duā lagtā nahīñ

talḳhiyoñ ke zahr ko tohfa samajh lenā 'bahār'

Dar to hai bas karb kā is ke sivā lagtā nahīñ

tu mere aks-e-tasawwur se juda lagta nahin

fasle jo darmiyan hai fasla lagta nahin

kali raaten dekh lun to KHauf aata hai mujhe

KHwab kya phir nind se bhi rabta lagta nahin

aaine ne mujh se puchha tu bata ye kaun hai

main ne dekha aur kaha kuchh bhi pata lagta nahin

kya mohabbat kya hai nafrat do alag hain silsile

jaise sach ka jhuT se bhi wasta lagta nahin

harf sare bol uTThen jab bhi main likhne lagun

ab koi jazba mera mahw-e-dua lagta nahin

talKHiyon ke zahr ko tohfa samajh lena 'bahaar'

Dar to hai bas karb ka is ke siwa lagta nahin