tu mere dil ki aarzu ho ja

tū mire dil kī aarzū ho jā

aa.ina ban ke rū-barū ho jā

phir se gulshan meñ shādmānī ho

surḳh phūloñ kī guftugū ho jā

mai-kashī mai-kade pe chhāne tak

jaam ho jā yā phir subū ho jā

ahl-e-gulshan pe ye 'ināyat kar

bū-e-gul ban ke kū-ba-kū ho jā

sun ye ehsān mujh pe itnā kar

merī ġhazloñ kī aabrū ho jā

ham faqīroñ kī 'iid ho jaa.e

be-hijābāna māh-rū ho jā

aarzū itnī hai ‘mu'īn-‘alvī'

jis taraf dekheñ tū hī tū ho jā

tu mere dil ki aarzu ho ja

aaina ban ke ru-baru ho ja

phir se gulshan mein shadmani ho

surKH phulon ki guftugu ho ja

mai-kashi mai-kade pe chhane tak

jam ho ja ya phir subu ho ja

ahl-e-gulshan pe ye 'inayat kar

bu-e-gul ban ke ku-ba-ku ho ja

sun ye ehsan mujh pe itna kar

meri ghazlon ki aabru ho ja

hum faqiron ki 'id ho jae

be-hijabana mah-ru ho ja

aarzu itni hai ‘mu'in-‘alwi'

jis taraf dekhen tu hi tu ho ja