tu mubtala-e-ishq hai gham ka nisab DhunD

tū mubtalā-e-ishq hai ġham kā nisāb DhūñD

unvān jis kā hijr ho aisī kitāb DhūñD

auroñ kī raushnī pe na rakh tū burī nazar

apnī hī chhat ke nīche koī āftāb DhūñD

koshish ko apnī ek nayā rañg-rūp de

dil ke ujaaḌ baaġh meñ taaza gulāb DhūñD

ye nek hastiyāñ haiñ yahāñ merā kaam kyā

tū mere vāste koī jā-e-ḳharāb DhūñD

yā mujh ko dast-e-yār se paanī kā ghūñT de

yā jo ragoñ ko tar kare aisī sharāb DhūñD

vo jis pe chand roz takabbur rahā tujhe

'āriz' kahāñ gayā tirā zor-e-shabāb DhūñD

tu mubtala-e-ishq hai gham ka nisab DhunD

unwan jis ka hijr ho aisi kitab DhunD

auron ki raushni pe na rakh tu buri nazar

apni hi chhat ke niche koi aaftab DhunD

koshish ko apni ek naya rang-rup de

dil ke ujaD bagh mein taza gulab DhunD

ye nek hastiyan hain yahan mera kaam kya

tu mere waste koi ja-e-KHarab DhunD

ya mujh ko dast-e-yar se pani ka ghunT de

ya jo ragon ko tar kare aisi sharab DhunD

wo jis pe chand roz takabbur raha tujhe

'ariz' kahan gaya tera zor-e-shabab DhunD