tu mujhko sun raha hai to sunai kyun nahin deta

tū mujh ko sun rahā hai to sunā.ī kyuuñ nahīñ detā

ye kuchh ilzām haiñ mere safā.ī kyuuñ nahīñ detā

mire hañste hue lahje se dhokā khā rahe ho tum

mirā utrā huā chehra dikhā.ī kyuuñ nahīñ detā

nazar-andāz kar rakkhā hai duniyā ne tujhe kab se

kisī din apne hone kī duhā.ī kyuuñ nahīñ detā

maiñ tujh ko dekhne se kis liye mahrūm rahtā huuñ

atā kartā hai jab nazreñ rasā.ī kyuuñ nahīñ detā

ka.ī lamhe churā kar rakh liye tū ne alag mujh se

tū mujh ko zindagī-bhar kī kamā.ī kyuuñ nahīñ detā

ḳhud apne-āp ko hī gher kar baiThā hai tū kab se

ab apne-āp se ḳhud ko rihā.ī kyuuñ nahīñ detā

maiñ tujh ko jiit jaane kī mubārakbād detā huuñ

tū mujh ko haar jaane kī badhā.ī kyuuñ nahīñ detā

tu mujh ko sun raha hai to sunai kyun nahin deta

ye kuchh ilzam hain mere safai kyun nahin deta

mere hanste hue lahje se dhoka kha rahe ho tum

mera utra hua chehra dikhai kyun nahin deta

nazar-andaz kar rakkha hai duniya ne tujhe kab se

kisi din apne hone ki duhai kyun nahin deta

main tujh ko dekhne se kis liye mahrum rahta hun

ata karta hai jab nazren rasai kyun nahin deta

kai lamhe chura kar rakh liye tu ne alag mujh se

tu mujh ko zindagi-bhar ki kamai kyun nahin deta

KHud apne-ap ko hi gher kar baiTha hai tu kab se

ab apne-ap se KHud ko rihai kyun nahin deta

main tujh ko jit jaane ki mubarakbaad deta hun

tu mujh ko haar jaane ki badhai kyun nahin deta