tu na aaega mujhe jab se yaqin aa gaya hai

tū na aa.egā mujhe jab se yaqīñ aa gayā hai

āsmāñ jaise mirā zer-e-zamīñ aa gayā hai

jis ke milne ko masāfat thī ka.ī barsoñ kī

ek hī pal meñ vo ham-zād yahīñ aa gayā hai

nikhrā nikhrā sā hai har sher ġhazal kā merī

soch meñ jab se tasavvur vo hasīñ aa gayā hai

har taraf tanz ke nashtar haiñ hamārī jānib

kis ke hāthoñ meñ mirā dīn-e-mubīñ aa gayā hai

aa gayā kaam mire roz kā ronā dhonā

jo na aatā thā kabhī mere qarīñ aa gayā hai

gardish-e-vaqt Talī ek hī lamhe ko yūñhī

ruḳh pe zulfoñ ko bikhere vo hasīñ aa gayā hai

sehn-e-gulshan meñ sarāsīmgī kaisī hai 'nabīl'

ahl-e-gulshan meñ koī dasht-nashīñ aa gayā hai

tu na aaega mujhe jab se yaqin aa gaya hai

aasman jaise mera zer-e-zamin aa gaya hai

jis ke milne ko masafat thi kai barson ki

ek hi pal mein wo ham-zad yahin aa gaya hai

nikhra nikhra sa hai har sher ghazal ka meri

soch mein jab se tasawwur wo hasin aa gaya hai

har taraf tanz ke nashtar hain hamari jaanib

kis ke hathon mein mera din-e-mubin aa gaya hai

aa gaya kaam mere roz ka rona dhona

jo na aata tha kabhi mere qarin aa gaya hai

gardish-e-waqt Tali ek hi lamhe ko yunhi

ruKH pe zulfon ko bikhere wo hasin aa gaya hai

sehn-e-gulshan mein sarasimgi kaisi hai 'nabil'

ahl-e-gulshan mein koi dasht-nashin aa gaya hai