tu na paega kahin zauq-e-qaza mere baad

tū na pā.egā kahīñ zauq-e-qazā mere baad

jo dam-e-marg de qātil ko duā mere baa'd

log katrā ke mire ghar se guzar jaate the

aaj kyoñ shahr meñ mātam hai bapā mere baa'd

thā farishtoñ kā bhī ma.abūd vahī ek magar

apnī taḳhlīq pe nāzāñ hai ḳhudā mere baa'd

ham ne tanhā.ī se yaarī to nibhā dī lekin

yaar se yaar kabhī ho na judā mere baa'd

ahd-e-tiflī se buḌhāpe kā safar thā ki ghuTan

ḳhatm ho jaa.e ye zahrīlī fazā mere baa'd

tu na paega kahin zauq-e-qaza mere baad

jo dam-e-marg de qatil ko dua mere ba'd

log katra ke mere ghar se guzar jate the

aaj kyon shahr mein matam hai bapa mere ba'd

tha farishton ka bhi mabud wahi ek magar

apni taKHliq pe nazan hai KHuda mere ba'd

hum ne tanhai se yari to nibha di lekin

yar se yar kabhi ho na juda mere ba'd

ahd-e-tifli se buDhape ka safar tha ki ghuTan

KHatm ho jae ye zahrili faza mere ba'd