tu nahaq hi use jhuTla raha hai

tū nāhaq hī use jhuTlā rahā hai

mohabbat par kabhī pardā rahā hai

abhī rishte meñ gunjā.ish hai baaqī

abhī vo ġhalatiyāñ ginvā rahā hai

jahāñ dekho koī sūraj kā TukḌā

kisī bādal se dhoke khā rahā hai

ye kholī hai kisī ne itr-dānī

yā tere giit koī gā rahā hai

na jaane kis hasīñ se choT khā kar

vo merā dil dukhā.e jā rahā hai

jo chāhe tū to ruk kuchh ḳhvāb bun leñ

tū jaldī jā agar tū jā rahā hai

use ab roknā mumkin nahīñ hai

vo apne Dar se aage jā rahā hai

tu nahaq hi use jhuTla raha hai

mohabbat par kabhi parda raha hai

abhi rishte mein gunjaish hai baqi

abhi wo ghalatiyan ginwa raha hai

jahan dekho koi suraj ka TukDa

kisi baadal se dhoke kha raha hai

ye kholi hai kisi ne itr-dani

ya tere git koi ga raha hai

na jaane kis hasin se choT kha kar

wo mera dil dukhae ja raha hai

jo chahe tu to ruk kuchh KHwab bun len

tu jaldi ja agar tu ja raha hai

use ab rokna mumkin nahin hai

wo apne Dar se aage ja raha hai