tu ne phir kya samajh liya mujhko

tū ne phir kyā samajh liyā mujh ko

jaise duniyā samajh liyā mujh ko

maiñ ne tujh phuul kī hifāzat kī

tū ne kāñTā samajh liyā mujh ko

jaise maiñ tujh ko chhoḌ jā.ūñgā

tū ne aisā samajh liyā mujh ko

jaan tujh par maiñ jaan chhiḌkūñgā

aisā vaisā samajh liyā mujh ko

aur baaqī nahīñ samajhne ko

tū ne saarā samajh liyā mujh ko

tu ne phir kya samajh liya mujh ko

jaise duniya samajh liya mujh ko

main ne tujh phul ki hifazat ki

tu ne kanTa samajh liya mujh ko

jaise main tujh ko chhoD jaunga

tu ne aisa samajh liya mujh ko

jaan tujh par main jaan chhiDkunga

aisa waisa samajh liya mujh ko

aur baqi nahin samajhne ko

tu ne sara samajh liya mujh ko