tu samne hai par teri ab bhi kami hai dost

tū sāmne hai par tirī ab bhī kamī hai dost

dariyā ke paas hote hue tishnagī hai dost

duniyā se jā rahā huuñ kisī kī talab liye

vaise ye zindagī baḌī achchhī kaTī hai dost

ye falsafe lapeT ke tum jeb meñ rakho

maiñ ḳhuub jāntā huuñ mohabbat burī hai dost

ab to batā ki kyā hai ye tere ḳhayāl meñ

jitnā maiñ jāntā huuñ mohabbat yahī hai dost

aisā nahīñ ki aañkh meñ aañsū bache faqat

in āñsuoñ ke saath meñ ik ḳhvāb bhī hai dost

sach-much to koī toḌ ke laatā nahīñ hai chāñd

ye shā.irī hai aur faqat shā.irī hai dost

paane kī zid na koī bichhaḌne kā ḳhauf hai

achchhā hai tujh se ishq nahīñ dostī hai dost

tu samne hai par teri ab bhi kami hai dost

dariya ke pas hote hue tishnagi hai dost

duniya se ja raha hun kisi ki talab liye

waise ye zindagi baDi achchhi kaTi hai dost

ye falsafe lapeT ke tum jeb mein rakho

main KHub jaanta hun mohabbat buri hai dost

ab to bata ki kya hai ye tere KHayal mein

jitna main jaanta hun mohabbat yahi hai dost

aisa nahin ki aankh mein aansu bache faqat

in aansuon ke sath mein ek KHwab bhi hai dost

sach-much to koi toD ke lata nahin hai chand

ye shairi hai aur faqat shairi hai dost

pane ki zid na koi bichhaDne ka KHauf hai

achchha hai tujh se ishq nahin dosti hai dost