tu sath ho to lagta hai mahshar hai sath sath

tū saath ho to lagtā hai mahshar hai saath saath

terā vajūd jaise samundar hai saath saath

taqsīm kījiye na mazāhib meñ fard ko

masjid ke saath dekhiye mandar hai saath saath

markaz to pahle roz se hī mere saath thā

is ishq ke vajūd kā mehvar hai saath saath

tanhā.ī meñ bhī sach kahūñ tanhā nahīñ rahā

is shā.irī ke sadqe meñ shā.ir hai saath saath

merā yaqīn qad se mire hai buland-tar

gahre samundaroñ meñ muqaddar hai saath saath

hadd-e-nigāh tak mirī qabroñ kā shahr hai

har ik qadam pe mere mujāvar hai saath saath

ye silsila hai saare kā saarā yazīd kā

nasl-e-yazīd aaj bhī 'safdar' hai saath saath

tu sath ho to lagta hai mahshar hai sath sath

tera wajud jaise samundar hai sath sath

taqsim kijiye na mazahib mein fard ko

masjid ke sath dekhiye mandar hai sath sath

markaz to pahle roz se hi mere sath tha

is ishq ke wajud ka mehwar hai sath sath

tanhai mein bhi sach kahun tanha nahin raha

is shairi ke sadqe mein shair hai sath sath

mera yaqin qad se mere hai buland-tar

gahre samundaron mein muqaddar hai sath sath

hadd-e-nigah tak meri qabron ka shahr hai

har ek qadam pe mere mujawar hai sath sath

ye silsila hai sare ka sara yazid ka

nasl-e-yazid aaj bhi 'safdar' hai sath sath