tu sitaron ke jhurmuT se aai hui mujhse mahw-e-suKHan is ada se hui

tū sitāroñ ke jhurmuT se aa.ī huī mujh se mahv-e-suḳhan is adā se huī

jaise husn-o-mohabbat kī devī koī āshnā 'ishq ke devtā se huī

dil kī indar-sabhā meñ baḌī der tak us hasīñ shaam kā raqs jaarī rahā

vo jo raavī kināre mulāqāt thī ek panjāb kī apsarā se huī

tere jalvoñ se baḌh kar koī aasrā dil ne māñgā nahīñ dil ne chāhā nahīñ

ham ne duniyā kī jānib na dekhā kabhī rū-ba-rū vo hamārī balā se huī

aao ham ek duuje se aise mileñ jis tarah rāj-hansoñ kā joḌā koī

ham pe sāya-fagan rahmatoñ kī ghaTā aaj phir pāniyoñ kī du'ā se huī

tū hai vā'da-shikan tū jafā-āshnā tū sitamgar bhī hai aur qātil bhī hai

mujh pe guzrī hai jo kuchh batā dūñgā maiñ jab mulāqāt merī ḳhudā se huī

paañv jab chūmne ke liye maiñ jhukā us ne mujh ko uThā kar jabīñ chuum lī

apnī qismat pe rashk aa rahā hai mujhe ibtidā hī mirī intihā se huī

apnī ḳhātir jo pāmāl dekhā mujhe us kī āñkhoñ se aañsū chhalakne lage

aisā lagtā hai vāqif vo pahlī daf'a merī chāhat kī is intihā se huī

tu sitaron ke jhurmuT se aai hui mujh se mahw-e-suKHan is ada se hui

jaise husn-o-mohabbat ki dewi koi aashna 'ishq ke dewta se hui

dil ki indar-sabha mein baDi der tak us hasin sham ka raqs jari raha

wo jo rawi kinare mulaqat thi ek panjab ki apsara se hui

tere jalwon se baDh kar koi aasra dil ne manga nahin dil ne chaha nahin

hum ne duniya ki jaanib na dekha kabhi ru-ba-ru wo hamari bala se hui

aao hum ek duje se aise milen jis tarah raj-hanson ka joDa koi

hum pe saya-fagan rahmaton ki ghaTa aaj phir paniyon ki du'a se hui

tu hai wa'da-shikan tu jafa-ashna tu sitamgar bhi hai aur qatil bhi hai

mujh pe guzri hai jo kuchh bata dunga main jab mulaqat meri KHuda se hui

panw jab chumne ke liye main jhuka us ne mujh ko uTha kar jabin chum li

apni qismat pe rashk aa raha hai mujhe ibtida hi meri intiha se hui

apni KHatir jo pamal dekha mujhe us ki aankhon se aansu chhalakne lage

aisa lagta hai waqif wo pahli daf'a meri chahat ki is intiha se hui