tufan se manjhdar se haT kar nahin dekha

tūfān se mañjhdār se haT kar nahīñ dekhā

dekhā bhī to sāhil se lipaT kar nahīñ dekhā

patthar bhī the kāñTe bhī bahut rāh-e-talab meñ

phir bhī kabhī is raah se kaT kar nahīñ dekhā

kashkol-e-mohabbat meñ ḳhazāne the vafā ke

tū ne kabhī dāman se lipaT kar nahīñ dekhā

me.ār-e-tamannā tirā pindār-e-takabbur

ham ne bhī to me.aar se haT kar nahīñ dekhā

paanī pe jo qabza kiyā afvāj-e-sitam ne

pyāsoñ ne bhī dariyā ko palaT kar nahīñ dekhā

har kūcha-o-bāzār ne diiñ laakh sadā.eñ

lekin tire shaidā ne palaT kar nahīñ dekhā

vus.at rahī nazroñ meñ rakhā dil bhī kushāda

'āshūr' ne duniyā ko simaT kar nahīñ dekhā

tufan se manjhdar se haT kar nahin dekha

dekha bhi to sahil se lipaT kar nahin dekha

patthar bhi the kanTe bhi bahut rah-e-talab mein

phir bhi kabhi is rah se kaT kar nahin dekha

kashkol-e-mohabbat mein KHazane the wafa ke

tu ne kabhi daman se lipaT kar nahin dekha

mear-e-tamanna tera pindar-e-takabbur

hum ne bhi to mear se haT kar nahin dekha

pani pe jo qabza kiya afwaj-e-sitam ne

pyason ne bhi dariya ko palaT kar nahin dekha

har kucha-o-bazar ne din lakh sadaen

lekin tere shaida ne palaT kar nahin dekha

wusat rahi nazron mein rakha dil bhi kushada

'ashur' ne duniya ko simaT kar nahin dekha