tur dekha bhi nahin parda-kushai bhi nahin

tuur dekhā bhī nahīñ parda-kushā.ī bhī nahīñ

hosh khoyā bhī nahīñ jaan gañvā.ī bhī nahīñ

rahbar-e-'arsh-e-mua’allā kī savārī pohñchī

aur madīne meñ abhī koī nidā.ī bhī nahīñ

pā-e-dil-basta-e-zanjīr-e-nazar hotā gayā

aur qismat meñ kisī taur rihā.ī bhī nahīñ

mere dāman pe ye kis raah se chhīñTeñ aa.iiñ

dāstāñ bar-sar-e-mahfil to sunā.ī bhī nahīñ

merī tanhā.ī ke sannāTe meñ larzāñ hai sukūt

sūrat-e-qais to vahshat ne dikhā.ī bhī nahīñ

ye faqat vāqi'a-e-dār se ḳhūñ-bār huī

ḳhūñ-tarashshoh se to dīvār sajā.ī bhī nahīñ

tur dekha bhi nahin parda-kushai bhi nahin

hosh khoya bhi nahin jaan ganwai bhi nahin

rahbar-e-'arsh-e-mua’alla ki sawari pohnchi

aur madine mein abhi koi nidai bhi nahin

pa-e-dil-basta-e-zanjir-e-nazar hota gaya

aur qismat mein kisi taur rihai bhi nahin

mere daman pe ye kis rah se chhinTen aain

dastan bar-sar-e-mahfil to sunai bhi nahin

meri tanhai ke sannaTe mein larzan hai sukut

surat-e-qais to wahshat ne dikhai bhi nahin

ye faqat waqi'a-e-dar se KHun-bar hui

KHun-tarashshoh se to diwar sajai bhi nahin