TuT jaane mein khilaunon ki tarah hota hai
TuuT jaane meñ khilaunoñ kī tarah hotā hai
aadmī ishq meñ bachchoñ kī tarah hotā hai
is liye mujh ko pasand aatā hai sahrā kā sukūt
is kā nashsha tirī bātoñ kī tarah hotā hai
ham jise ishq meñ dete haiñ ḳhudā kā mansab
pahle pahle hameñ logoñ kī tarah hotā hai
jis se banñā ho ta.alluq vahī zālim pahle
ġhair hotā hai na apnoñ kī tarah hotā hai
chāñdnī-rāt meñ saḌkoñ pe qadam mat rakhnā
shahr jaage hue nāgoñ kī tarah hotā hai
bas yahī dekhne ko jāgte haiñ shahr ke log
āsmāñ kab tirī āñkhoñ kī tarah hotā hai
us se kahnā ki vo sāvan meñ na ghar se nikle
hāfiza ishq kā sāñpoñ kī tarah hotā hai
us kī āñkhoñ meñ umaD aate haiñ aañsū 'tābish'
vo judā chāhne vāloñ kī tarah hotā hai
TuT jaane mein khilaunon ki tarah hota hai
aadmi ishq mein bachchon ki tarah hota hai
is liye mujh ko pasand aata hai sahra ka sukut
is ka nashsha teri baaton ki tarah hota hai
hum jise ishq mein dete hain KHuda ka mansab
pahle pahle hamein logon ki tarah hota hai
jis se banna ho talluq wahi zalim pahle
ghair hota hai na apnon ki tarah hota hai
chandni-raat mein saDkon pe qadam mat rakhna
shahr jage hue nagon ki tarah hota hai
bas yahi dekhne ko jagte hain shahr ke log
aasman kab teri aankhon ki tarah hota hai
us se kahna ki wo sawan mein na ghar se nikle
hafiza ishq ka sanpon ki tarah hota hai
us ki aankhon mein umaD aate hain aansu 'tabish'
wo juda chahne walon ki tarah hota hai
- Book : Ishq Abaab (Pg. 385)
- Author : Abbas Tabish
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
