TuT kar girti fasilon par hawa ka shor tha

TuuT kar girtī fasīloñ par havā kā shor thā

raat bhar shahr-e-badan meñ kis balā kā shor thā

dhuup niklī to vahī pyāsī zamīñ ke hoñT the

bastiyoñ meñ duur tak gahrī ghaTā kā shor thā

tā.ir-e-ḳhushbū ke haq meñ hijrateñ virsa huiiñ

ḳhema-gāh-e-gul meñ vo bād-e-sabā kā shor thā

shahr saarā ḳhauf ke gūñge qile meñ qaid thā

ik ḳhudā-e-vaqt kī hākim sadā kā shor thā

vo faqat ik shor thā ham par pas-e-maqtal khulā

halqa-e-yārāñ meñ jo rasm-e-vafā kā shor thā

TuT kar girti fasilon par hawa ka shor tha

raat bhar shahr-e-badan mein kis bala ka shor tha

dhup nikli to wahi pyasi zamin ke honT the

bastiyon mein dur tak gahri ghaTa ka shor tha

tair-e-KHushbu ke haq mein hijraten wirsa huin

KHema-gah-e-gul mein wo baad-e-saba ka shor tha

shahr sara KHauf ke gunge qile mein qaid tha

ek KHuda-e-waqt ki hakim sada ka shor tha

wo faqat ek shor tha hum par pas-e-maqtal khula

halqa-e-yaran mein jo rasm-e-wafa ka shor tha